Drew er meðlimur hljómsveitarinnar The Chainsmokers, en hann, ásamt hinum meðlimi hljómsveitarinnar, komst í fréttirnar í síðustu viku.
Þeir sögðu frá því í hlaðvarpsþættinum Call Her Daddy að þeir hafa oft farið í trekant með aðdáendum. Játning þeirra vakti mikla athygli, sérstaklega þar sem margir héldu að þeir væru bræður, sem þeir eru ekki.
Sjá einnig: Aðdáendur í sjokki yfir kynlífsjátningu The Chainsmokers – „Ég hélt að þeir væru bræður!“
Nú er Drew aftur í fréttum en í þetta sinn fyrir að vera að stinga saman nefjum með stórstjörnunni Selenu Gomez.
Erlendir miðlar greina frá því að parið hefur verið að verja tíma saman undanfarið. Þau fóru meðal annars í keilu á sunnudaginn og birti Page Six myndir af stefnumótinu.
See first photos of new couple Selena Gomez and Drew Taggart on bowling date https://t.co/DyIH72qXkQ pic.twitter.com/JhWHgyf7ME
— Page Six (@PageSix) January 18, 2023
Vitni sem var á staðnum sagði að þau hefðu verið „í sleik eins og unglingar.“
Samkvæmt Us Weekly eru þau að taka þessu öllu rólega og bara „hafa gaman saman.“
Drew var áður í sambandi með bandarísku fyrirsætunni Eve Jobs, dóttur Steve Jobs. Hann hefur einnig ruglað saman reytum með fyrirsætunum Haley Rowe, Meredith Mickelson og Chantel Jeffries.
Selena Gomez hefur haldið ástarlífi sínu frá sviðsljósinu eftir að hún og The Weeknd hættu saman í október 2017. Fyrir það var hún með Justin Bieber.