Max Verstappen, heimsmeistari ökumanna í Formúlu 1, og Viaplay hafa útvíkkað samstarf sitt. Max mun bera merki Viaplay á keppnishjálminum sínum frá og með komandi Singapúrkappakstri, og á derhúfunni sinni frá upphafi næsta keppnistímabils. Verstappen mun einnig taka ríkari þátt í gerð efnis sem aðeins verður aðgengilegt áskrifendum Viaplay. Kemur það í kjölfar Viaplay-heimildarþáttanna ‘Verstappen – Lion Unleashed’ og ‘Master of the Track’, sem komu út á þessu ári og hlutu afar góðar viðtökur.

Max Verstappen mun búa til nýtt efni fyrir áskrifendur Viaplay sem frumsýnd verður milli þess sem yfirstandandi keppnistímabilinu lýkur í nóvember og en áður en keppnistímabilið 2023 hefst. Enn fremur hefur hlutverk Verstappen sem sendiherra Viaplay verið útvíkkað. Eins og sagt var frá í janúar nær það til markaða þar sem Viaplay hefur sýningarréttinn á Formúlu 1, en það mun nú ná til allra svæða Viaplay, þar á meðal svæða þar sem Viaplay Select er í boði.

„Ég er hæstánægður með aukið samstarf við Viaplay. Samvinnan hefur verið mjög ánægjuleg til þessa og ég hlakka til að búa til meira hágæðaefni í sameiningu, fyrir alla aðdáendur Formúlu 1. Eins og við vitum er streymið nýja leiðin í útsendingum og mér finnst Viaplay standa sig virkilega vel í að móta þessa framtíð,“ segir Max Verstappen.

„Samstarf Viaplay og Max hefur gengið einstaklega vel og nú förum við í sameiningu upp um einn gír. Nýja heimildamyndaröðin mun skemmta áhorfendum á milli keppnistímabilanna, en um leið sýna færni Viaplay við að segja sögur úr íþróttaheiminum. Aðdáendur munu komast í enn meira návígi við manninn á bak við hjálminn – sama hjálm og mun koma lógói Viaplay á framfæri við milljónir út um allan heim, allar keppnishelgar,“ segir Peter Nørrelund, íþróttastjóri Viaplay Group.