Samband evrópskra sjónvarpsstöðva (EBU) og breska sjónvarpsstöðin BBC hafa nú tilkynnt að Eurovision-keppnin 2023 verður haldin í Bretlandi fyrir hönd sigurvegarans í ár, Úkraínu.
Nú fer af stað eins konar uppboð þar sem borgir sem vilja hýsa keppnina bjóða fram krafta sína. Úkraína mun líkt og aðrir sigurvegarar ekki þurfa að keppa í undankeppni heldur mun framlag þeirra fara beint á úrslitakvöldið með „Stóru fimm“ ríkjunum, Ítalíu, Frakklandi, Þýskalandi, Spánn og Bretlandi. En þau fimm ríki leggja fram stærstu framlögin til keppninnar.
Fulltrúar frá Úkraínu munu vinna með BBC sjónvarpsstöðinni til að gefa keppninni úkraínskan blæ.
Þessi ákvörðun var tekin í ljósi aðstæðna í Úkraínu þar sem innrás Rússa stendur enn yfir og ekki sér fyrir endann á henni. Því til að gæta öryggis flytjenda og gesta var talið ófært að finna keppninni stað hjá Úkraínu.
Því var Bretlandi boðið að hýsa keppnina enda hafnaði framlag þeirra í öðru sæti í ár.
„Við erum einstaklega þakklát því að BBC hefur samþykkt að setja Eurovision söngvakeppnina á svið árið 2023,“ er haft eftir framkvæmdastjóra Eurovision Martin Österland í tilkynningu.