Á dögunum var sjötíu ára krýningarafmæli Elísabetar Englandsdrottningar fagnað í Bretlandi. Við það tilefni flugu hertogahjónin af Sussex, Prins Harry og Meghan Markle, yfir Atlantshafið ásamt börnum sínum Archie og Lilibeth. Samband hjónanna við bresku konungsfjölskylduna hefur verið stirt, eins og alþjóð veit, og því hefur afi barnanna, Karl Bretaprins, verið í litlum samskiptum við þau
Breskir miðlar greina frá því að Karl hafi verið himinlifandi við að hitta barnabörn sín, sérstaklega að hitta Lilibeth litlu í fyrsta sinn en hún fagnaði 1 árs afmæli sínu í byrjun júní. Hafi Bretaprins í raun komist í tilfinningalegt uppnám sem er nú ekki daglegt brauð á þeim bænum.
Þá var Karl ekki síður ánægður með að hitta hinn þriggja ára gamla Archie en guttinn var aðeins 10 mánaða gamall þegar afinn hitti hann síðast, skömmu áður en foreldrar hans ákváðu að yfirgefa Bretland og flytjast búferlum til Bandaríkjanna.
Þá hittu Archie og Lilibeth einnig langömmu sína, Elísabetu Englandsdrottningu, á meðan fagnaðarlátunum vegna krýningarafmælisins stóð.
