Kaffibarþjónninn Sophie Hosking starfar á kaffihúsi í Edinborg og ákvað hún að láta viðskiptavin vita að hún hefði áhuga á honum með því að nýta hæfileika sína í kaffiframreiðslu.
Hún deildi svo myndskeiði af uppátækinu á TikTok sem hefur farið sem eldur í sinu um netheima.
„Þekkir einhvern þennan mann? Hann er alltaf að koma hingað í vinnuna til mín og mér finnst hann svo sætur. Ég vil taka sénsinn.“
Hún bjó svo til drykkinn sem hann pantaði sér og notaði froðunna til að skrifa „þú ert sætur“ með litlu hjarta fyrir ofan.
Á myndbandinu sést hún svo hrista hausinn á meðan hún færir manninum kaffið en svo er henni gífurlega létt þegar hún svo sér hann taka mynd af skilaboðunum.
Í öðru myndbandi tilkynnir hún fylgjendum sínum að hún hafi fengið símanúmer mannsins í kjölfarið og eins komst hún líka að því að maðurinn hefur verið að taka myndir af öllum kaffibollunum sem hún hefur lagað fyrir hann síðustu mánuðina. Svo líklega var hann líka byrjaður að spá í hana.
Parið hefur nú verið að skiptast á skilaboðum og ætla að fara á sitt fyrsta stefnumót þegar þau eru búin að klára sumarfríin sín.
Netverjar héldu varla vatni yfir þessari krúttlegu hversdagssögu.
„Ef þetta væri ég þá hefði ég keypt giftingarhring um leið og ég sá kaffið,“ skrifaði einn
„Fröken, það er ástæða fyrir því að hann er alltaf að koma aftur, gangi þér vel“
„Þetta er eins og Disney mynd,“ skrifar enn einn.
„Ég er svo glöð fyrir ykkar hönd. Ég vona að þetta sé upphafið af mörgum hamingjusömum árum.“
@yungoatmilk lmfao guys what if he sees this #omg #workcrush #fyp #foryou #edinburgh #edieats #sos #viraltiktok ♬ Ylang Ylang – FKJ & ((( O )))
