Raunveruleikastjarnan og fyrirsætan Kendall Jenner er nú aftur að verða fyrir aðkasti fyrir hæfileika sína í eldhúsinu, eða skortinn á þeim, en ekki er langt síðan fyrirsætan var höfð að háði og spotti fyrir að kunna ekki að skera gúrku.
Sjá einnig: Kendall Jenner höfð að háði og spotti fyrir hvernig hún sker gúrku
Nú hefur hún aftur vakið háðfuglana í netheimum og að þessu sinni fyrir að ætla að sjóða pasta með smjöri.
Eftir stóra gúrkumálið virðast netverjar hafa lagst í rannsóknarvinnu og tókst þeim að grafa upp ársgamalt YouTube-myndband frá fyrirsætunni Hailey Bieber. En í því myndbandi má sjá þær vinkonur elda ameríska hversdagsréttinn „mac&cheese„. En til þess þurftu þær að sjóða pasta.
Hailey sagði þá: „Núna ætla ég að hella skeljunum út á“ en Kendall greip þá inn og spurði „Smyrðu það ekki fyrst?“
„Smyrja vatnið?“ spurði Hailey þá hlæjandi.
„Já á maður ekki að gera það? Þannig geri ég hrísgrjón,“ sagði Kendall þá flissandi.
„Þú saltar vatnið,“ útskýrði Hailey.
„Okey svo þú smyrð það eftir á..,“ sagði Kendall þá.
„Þið viljið kannski klippa þetta út,“ sagði Hailey þá við tökuliðið. Kendall sagði þó að það væri óþarfi. „Nei þú mátt hafa þetta með,“ sagði Hailey flissandi.
Aðdáendum var þó ekki skemmt. Sérstaklega tóku þeir þetta nærri sér í ljósi þess hvernig Kendall sker gúrkur.
„Ég meina, er hún heimsk?“, spurði einn.
„Hún var vafin í bómull hjá ríkri fjölskyldu. Hún hefur enga hæfileika utan þess að vera sæt,“ sagði annar.
„Hvílíkt ljósku móment, „sagði enn einn.
„… og þetta frá manneskjunni sem kann ekki að skera gúrkur, „skrifar enn einn.