Rapparinn Cardi B lætur ekki gervineglurnar stoppa sig frá því að skipta um bleiur barna sinna líkt og fagmaður.
Á þriðjudaginn deildi Cardi myndbandi þar sem hún sýndi hvernig hún ber sig að við bleiuskiptin, en margir gætu talið það hálf ómögulegt með þær löngu og oddhvössu gervineglur sem Cardi skartar.
Cardi notar bangsa fyrir þessa sýnikennslu, en myndbandið birti hún eftir að aðdáandi spurði: „Hvernig í ósköpunum skiptir þú um bleiu með þessar neglur?,“ en aðdáandinn tók fram að sjálf ætti hún í miklum vandræðum með verkið.
Cardi svaraði: „Okey vinkona svo ég gerði heilt myndband. Treystu mér, þú munt ná tökum á þessu. Hins vegar finnst mér erfiðara að þrífa stráka því þeir eru með fleiri fellingar.“
Cardi sýnir einnig hvað hún gerir í tilfellum þar sem um er að ræða „of mikinn kúk“.
„Þú vilt alltaf passa að þú þrífir vel rasskinnarnar,“ segir rapparinn á meðan hún grípur blautþurrku.
Dóttir Cardi, Kulture sem er þriggja ára, stendur hjá furðu lostin og spyr „Mamma hvers vegna ertu að þrífa rassinn?“
Cardi svarar: „Löng saga,“ og hlær.
Cardi segir að það erfiðasta við bleiuskiptin sé að smella samfellunni.
„Þetta er hlutinn sem ég hata mest… að smella. Ég veit ekki hvort það er vegna þess að ég á tvö börn, svo ég ætti að geta gert þetta hraðar. Líklega út af því samt að ég hef verið með svona gervineglur síðan ég var 10 ára.“
Okay girl sooo I just made a whole video 🤣😂😂Trust me you will get the hang of it! However I do feel like boys are harder to clean,they got more crevices. https://t.co/b2CeTstz1L pic.twitter.com/80PEcWlMIJ
— Cardi B (@iamcardib) May 17, 2022
