Love is Blind eru raunveruleikaþættir á Netflix með öðruvísi sniði en þessir „venjulegu“ stefnumótaþættir. Fyrsta þáttaröðin sló í gegn í byrjun árs 2020 og kláraðist önnur þáttaröð í byrjun mars.

Í þáttunum fáum við að fylgjast með einstaklingum í leit að ástinni. Það sem gerir þessa þætti öðruvísi er að þátttakendur fara á stefnumót en sjá aldrei hvort annað, heldur tala þau í gegnum þunnan „vegg“ og par fær ekki að sjá hvort annað fyrr en það trúlofast. Síðan er fylgt parinu eftir í nokkrar vikur þar til brúðkaupsdagurinn gengur í garð.

Þættirnir gera tilraun til að svara spurningunni: „Er ást blind?“

Sjá einnig: Bróðir Love is Blind stjörnu skrifar óvægin skilaboð til „glataða“ unnustans

Það sem áhorfendur taka oft ekki eftir, er hversu mikið framleiðendur klippa þættina. Þátttakendur Love is Blind drekka til dæmis alltaf úr gullituðum glösum, en þá er hægt að klippa þættina saman án vandkvæða og magnið í glasinu breytist ekki fyrir áhorfandanum.

En framleiðendur hugsuðu þetta ekki alveg í þaula þegar kom að því að taka upp pörin borða. Einn aðdáandi benti á mistök í áttunda þætti sem sýna hversu óraunverulegt raunveruleikasjónvarp er.

Í því atriði er Sal Perez og Mallory Zapata að borða saman og eiga samtal um sambandið þeirra. Á meðan þau eiga samtalið, sem er frekar stutt en mjög alvarlegt og djúpt, þá breytist magnið á diskunum þeirra nokkrum sinnum.

TikTok-notandinn @straightouttaperu fer yfir þetta í myndbandinu hér að neðan.

„Þetta var eitt samtal, hvernig fóru þau að þessu?!“

@straightouttaperu The amount of times we will never notice 🤡 #loveisblind ♬ original sound – karl

Myndbandið vakti mikla athygli netverja og kom einn þeirra með kenningu. „Ég er handviss um að þessir þættir séu bara samsettar stuttar klippur.“

„Þau halda að við séum blind,“ sagði annar netverji.