Vinkonurnar Birgitta Líf Björnsdóttir, Sunneva Einarsdóttir, Kristín Pétursdóttir, Magnea Björg Jónsdóttir, Ína María Norðfjörð, Kristín Pétursdóttir og Ástrós Traustadóttir fóru á vit ævintýranna í gær.
Þær mynda einn vinsælasta áhrifavaldahóp landsins og kalla sig LXS. Þær hafa einnig komið fram í samnefndum raunveruleikaþáttum á Stöð 2+.
LXS-skvísurnar gistu í lúxusskála hjá Iceland Luxury Lodges og birtu fjölda mynda frá húsinu. Þær skáluðu að í búbblur og fóru í pottinn eftir að hafa opnað gjafapokana sem þær fengu frá ýmsum fyrirtækjum. Þær fengu meðal annars súkkulaði, ilmvatn, hárvörur, Dior-snyrtivörur og gjafarkort í Laugar Spa.
Hópurinn fór með trukknum Sleipni á Langjökul, en líkt og gistingin í lúxusskálanum var ferðin á Langjökul í samstarfi við umrædd fyrirtæki og flestar færslur merktar sem kostuð auglýsing.
Ísak Aron Jóhannsson, meðlimur íslenska kokkalandsliðsins og yfirkokkur á Lux veitingar, eldaði ofan í vinkonurnar og sló máltíðin í gegn hjá hópnum, sérstaklega Magneu.
