Flugfreyjur nefna litlu hlutina sem þær ferðast ekki án, hluti sem einfalda lífið og gætu komið þér á óvart.
Þær koma með ráðin í þræði á Reddit þar sem ný flugfreyja bað reyndari samstarfsmenn um að nefna hvaða hluti þeir taka með sér í öll ferðalög.
Sum svörin voru fyrirsjáanleg, eins og hleðslubanki og hleðslutæki, en önnur voru mun áhugaverðari.
Sjá einnig: Flugfreyja segir að þetta eigi farþegar aldrei að gera um borð í flugvél
Ein flugfreyja sagðist aldrei ferðast án þess að taka með sér „ofurlím“ (e. superglue) – því þú veist aldrei hvort þú þarft skyndilega að laga eitthvað.
„Ég tek alltaf ofurlím með mér. Það endist mun betur og lengur en maður myndi halda. Ég límdi eitt sinn heilan sóla aftur á skó og það entist það sem eftir var af ferðinni í Kanada – yfir veturinn,“ sagði hún.
Önnur flugfreyja mælti með að taka með uppáhalds sósuna sína. „Hot sauce, það gerir allan mat betri,“ sagði hún.
Nokkrar ráðlögðu nýju flugfreyjunni að taka með sér uppáhalds snarlið sitt að heiman.
Sjá einnig: Flugfreyja afhjúpar ýmis leyndarmál – Þess vegna áttu alls ekki að drekka kaffi um borð