Enska sjónvarpsstjarnan Lisa Snowdon fagnaði 50 ára afmæli sínu í Sky Lagoon í Kópavogi ásamt eiginmanni sínum, George Smart, í gær.
Lisa, sem er hvað þekktust sem fyrrum kynnir í raunveruleikaþáttunum Britain’s Next Top Model, hefur verið dugleg að deila myndum og myndböndum úr ferðinni sinni hingað til lands á Instagram-síðu sinni. Þar segist hún til að mynda vera orðin ástfangin af Íslandi.
„Og svo bara sí svona… er ég orðin 50!! Þvílík leið til að fagna því hér á Íslandi í Sky Lagoon!“ segir Lisa í færslu sem hún birti á Instagram í tilefni fimmtugsafmælisins. Þá segir hún að Sky Lagoon sé besti staðurinn sem hún hefur drukkið bjór á og tekur fram að hún og George hafi fengið sér þó nokkra.
Lisa hrósar Sky Lagoon í hástert í færslunni en hún var sérstaklega hrifin af gufubaðinu. „Mest töfrandi gufubað sem ég á ævi minni séð, með risastórum glugga með útsýni beint út á Atlantshafið,“ segir hún og bætir við að þau hjónin munu muna eftir þessum degi að eilífu.
Að lokum segist hún svo elska Ísland. „Iceland we love you!,“ segir hún.
View this post on Instagram
Lisa er þó búin að fara á fleiri staði en bara í Sky Lagoon hér á landi. Hún fór til að mynda á veitingastaðinn Dill kvöldið fyrir afmælið sitt en hún segir að máltíðin sem hún fékk þar hafi verið „epísk“.
Hjónin gistu á Exeter hótelinu á Tryggvagötu í 101 Reykjavík, Lisa virðist vera ákaflega hrifin af morgunmatnum sem boðið er upp á þar ef marka má myndböndin sem hún birti af honum í Story hjá sér á Instagram.
Þá deildi hún einnig myndböndum af veitingastaðnum Le Kock sem er í sama húsi og hótelið, hún virtist hafa sérstaklega mikinn áhuga á sósunum sem eru á boðstólnum þar.
View this post on Instagram