Í þættinum Matur og Heimili á Hringbraut í kvöld hittir Sjöfn Þórðar Garðbæingana, athafnakonurnar og gleðigjafana þær Áslaugu Huldu Jónsdóttur og Ingu Lind Karlsdóttur heima í eldhúsinu hjá Áslaugu Huldu þar sem Sjöfn kemur færandi hendi með þorramat eins og hann gerist bestur. Inga Lind skorar á Áslauga að borða augun úr sviðakjammanum í fyrsta sinn.
Síðan liggur leið Sjafnar í Vegangerðina þar sem hún hittir frumkvöðlana Atla Stefán Yngvason og Kristján Thors. Þeir hafa þróað Témphe sem er vistvæn matvarvara sem inniheldur engar dýraafurðir.
Þorrinn og veganúar eru því í forgrunni þáttarins í kvöld en þátturinn er á dagskrá Hringbrautar kl. 19 og aftur kl. 21.
Brot úr þætti kvöldsins má sjá í spilaranum hér fyrir neðan.