Þetta er í fyrsti viðburðurinn sem hann mætir á eftir að hafa rofið þögnina í síðustu viku um orðróminn að hann hafi gengist undir fegrunaraðgerð í fyrra.
Sjá einnig: Zac Efron rýfur þögnina um bótox-orðróminn og myndina sem fór í dreifingu
Eftir að leikarinn kom fram í þættinum Earth Day! The Musical – sem var verkefni Bill Nye og Justin Bieber til að vekja athygli á hlýnun jarðar – í apríl 2021 fór orðrómur á kreik að hann hafi látið sprauta í sig bótox og fylliefnum, sérstaklega í kjálkann.
Í nýlegu viðtali við Men‘s Health tók Zac fyrir það og sagði slys vera ástæðuna fyrir breyttu útliti. Hann datt heima hjá sér og lenti með kjálkann og hökuna á granít, í kjölfarið fóru tyggjandi vöðvarnir í kjálkanum í fulla yfirvinnu og er hann að vinna með sérfræðingum til að meðhöndla vandann.
Kvikmyndahátíðin í Toronto er í fullum skrúða og lét leikarinn sig ekki vanta á frumsýningu The Greates Beer Run Ever.
Hann heilsaði aðdáendum og stillti sér upp á rauða dreglinum klæddur dökkgráum jakkafötum.
Zac fer með aðalhlutverkið í þessari nýju sannsögulegu gamanmynd frá Apple TV+.
Horfðu á stikluna hér að neðan.