Raunveruleikastjarnan Khloé Kardashian er byrjuð að deita á ný eftir erfið sambandsslit við barnsföður hennar og körfuboltastjörnuna Tristan Thompson.

Í desember komst Khloé að því, á sama tíma og öll heimsbyggðin, að kærasti hennar hefði feðrað barn með annarri konu. Þetta var ekki í fyrsta skipti sem það komst upp um framhjáhald hans heldur þriðja skiptið.

Sjá einnig: Kylie Jenner niðurbrotin vegna framhjáhalds Tristan: Hélt fram hjá með fjölskylduvin

Hún fyrirgaf honum í hin tvö skiptin og ákvað að láta reyna á sambandið – en ekki aftur. Nú staðfestir E! News að raunveruleikastjarnan sé að slá sér upp með einkafjárfesti sem hún kynntist í matarboði hjá systur sinni, Kim Kardashian, fyrir nokkrum vikum.

Heimildarmaður People segir að „sambandið sé á byrjunarstigi.“

Fyrir nokkrum dögum greindi slúðursíða á Instagram frá því að Khloé væri að deita annan NBA körfuboltamann en hún þvertók fyrir það. „Alls ekki satt!!! Ég elska ykkur og takk fyrir fallegu orðin en ég er ekki að deita neinn. Ég er hamingjusöm að hugsa um dóttur mína og mig í smá tíma,“ sagði hún við færsluna.

Sjá einnig: Kardashian fjölskyldan afhjúpuð fyrir „feik“ atriði – Myndin sem kom upp um þau

Sjá einnig: Khloe Kardashian setur Tristan Thompson ströng skilyrði eftir framhjáhaldið