Skartgripahönnuðurinn Liv Portillo nýtur mikilla vinsælda á TikTok og leyfir áhorfendum að fylgjast með daglegu lífi hennar sem eiganda fyrirtækis.
Í nýlegu myndbandi segir hún frá hálsmeni sem hún gerði fyrir konu til að hefna sín á vinkonu sinni.
Konan sendi Liv skilaboð. „Ég var að komast að því að unnusti minn hélt framhjá mér með bestu vinkonu minni. Hún á afmæli 11. júlí og ég ætla að gefa henni þetta fyrir framan alla. Engar áhyggjur ég notaði kortið hans,“ sagði hún.
Konan vildi hálsmen með áletruninni „Valentina“ öðrum megin og „Þú mátt eiga mína afganga“ hinum megin.
Myndbandið hefur vakið mikla athygli og sögðust margir netverjar vilja óska þess að geta séð viðbrögð vinkonunnar við gjöfinni.
@dbljewelryReply to @g.dresser8 the customer orders have too much tea ##smallbusiness ##jewelry ##cheating ##relationship ##couple ##boyfriendcheating ##lover♬ traitor – Olivia Rodrigo
Þetta er ekki í fyrsta sinn sem Liv býr til hálsmen fyrir hefnigjarna konu með ótrúan maka. Þetta byrjaði á því að hún gerði TikTok myndband um konu sem keypti hálsmen handa kærasta sínum og lét setja nöfn allra kvennanna sem hann hélt framhjá henni með á hálsmenið.
Myndbandið fór eins og eldur í sinu og fjölluðu yfir tuttugu erlendir miðlar um það. Í kjölfarið fékk hún yfir 200 pantanir frá fólki sem vildi hefna sín á óheiðarlegum mökum.
@dbljewelryPT 3 coming soon! ##jewelry ##cheating ##relationship ##couple ##loverboy ##cheater ##storytime ##story ##smallbusiness♬ Into The Thick Of It! – The Backyardigans