Í gærkvöldi fór fram fegurðarsamkeppnin Miss Universe Iceland í Gamlabíó. Tuttugu stúlkur tóku þátt og var Elísa Gróa Steinþórsdóttir valin Miss Universe Iceland og mun fara fyrir hönd Íslands til Ísrael í desember.
Sjá einnig: Reynslubolti hreppti titillinn í fjórðu tilraun – Elísa Gróa er Miss Universe Iceland
Keppnin í gær skiptist í nokkra hluta. Keppendur komu fram í dansatriði, síðan á sundfötum og að lokum í síðkjólum.
Það vakti mikla athygli árið 2019 að netverjar höfðu margfalt meiri áhuga á bikiníatriði keppenda en öðrum atriðum. Vísir sýndi frá keppninni, eins og í ár, og birti klippur á vef Vísis. Langvinsælasta klippan var bikiníatriðið, með tugi þúsunda fleiri áhorf en hinar klippurnar.
Sjá einnig: Langmestur áhugi á bikiníatriði keppenda – Barn síns tíma?
Það verður áhugavert að sjá hvort að sami áhugi verður í ár, en myndbandið birtist á vef Vísis fyrir skemmstu.
Þú getur horft á sundfataatriði keppninnar í gær í spilaranum hér að neðan.