„Dettur einhverjum í hug að það sé jákvæð auglýsing að líma límmiða á póstkassa hjá fólki?“ spyr Guðni Halldórsson með nokkrum þjósti. Áróðursmiði frá Miðflokknum hafði verið límdur á póstkassann hans. Er ljóst að honum þykir nokkuð langt gengið í auglýsingaherferðum stjórnmálaflokkanna ef póstkassar á einkaheimilum eru ekki lengur í friði fyrir áróðri.

Eiginkona Guðna, Kristjana Þórarinsdóttir, skipar 9. sæti á framboðslista Framsóknarflokksins í Reykjavíkur suður fyrir alþingiskosningarnar næstkomandi laugardag.

Guðni greinir frá þessu í opinni færslu á Facebook-síðu sinni. Margir FB-vina hans bregðast við þessari uppákomu með vandlætingu í garð Miðflokksins. En þá stígur Vigdís Hauksdóttir, borgarfulltrúi Miðflokksins og kosningastjóri flokksins  í Reykjavík, og segir:

„Hahahahahaha – kæri skólabróðir frá fyrri tíð – þetta heppnaðist 100% hjá okkur í Miðflokknum þegar við vorum á ferð á Kjalarnesinu í gær – nú ertu að auglýsa okkur með því að setja þetta á facebook – ég sagði við hópinn – nú stríði ég Guðna á Skrauthólum – við vorum jú saman á Bifröst og smellti þessu á póstkassana – vissi ekki hvor tilheyrði þér  Vona að fólk sé ekki heillum horfið í þessari kosningabaráttu og að smá stríðni sé ekki leyfileg lengur – sviptu þessu af póstkössunum og málið dautt.“ Þú varst tekinn“  Óska þér og fjölskyldu þinni gæfu og gengis í framtíðinni Svo sjáumst við vonandi í framtíðinni á góðu Bifrastarkvöldi.“

Guðni gegnst auðmjúklega við því að hafa verið „tekinn“ og kann vel að meta grínið, senda segir hann: „Vel gert.“