Gríma Björg Thorarensen og Skúli Mogensen eignuðust son í gær en fyrir á parið soninn Jaka Mogensen sem er tæplega eins og hálfs árs gamall.
Gríma greindi frá komu drengsins í færslu á Facebook-síðu sinni.
Halló heimur! 14.09.21. Litli bróðir er mættur. 15 fullkomnar merkur, eintóm ást og hamingja.
Parið stendur í stórræðum en á dögunum auglýstu þau til sölu 30 eignarlóðir úr jörðinni Hvammsvík sem seldust eins og heitar lummur. Um sannkallaða útivistarparadís er að ræða en áætlanir eru uppi um að byggja upp þjónustu á svæðinu líkt og gistiaðstöðu, sjóböð og veitingastað.
Mun Gríma, sem er menntaður innanhússhönnuður, meðal annars sjá um hönnun svæðisins.
