Opnunarhátíð í nýjum miðbæ, Kótilettan og Kia Gullhringurinn var það sem var á dagskránni á Selfossi seinastliðna helgi. Mikill fjöldi fólks lagði leið sína á Selfoss til að berja nýjan miðbæ augum og litu Selfyssingar auðvitað líka við. Í miðbænum hafa gömul íslensk hús verið endurreist, þeirra stærst er Gamla Mjólkurbú Flóamanna sem áður stóð á Selfossi árið 1929-1954 en er nú endurrisið í hjarta bæjarins.
Gleðin skein af fólki og Selfyssingar í skýjunum að vera loksins komin með miðbæ.
