Tyrkneskur hakkari hefur verið að gera íslenskum Instagram-stjörnum lífið leitt seinustu daga og hefur þegar lokað aðgöngum fjölda íslenskra áhrifavalda. Meðal þeirra sem hafa lent í barðinu á honum eru Kristín Pétursdóttir og Birgitta Líf Björnsdóttir.
Sjá einnig: Enn fjölgar fórnarlömbunum:Enginn áhrifavaldur virðist öruggur
Hakkarinn notast við Instagram-síðuna „kingsanchezx“ og segist hann geta lokað hvaða aðgangi sem er, eina sem þarf að gera er að senda honum skilaboð með þeim aðgangi sem þú vilt að sé lokaður.
Á síðu sinni hefur hann birt myndband af þeim aðgöngum sem hann hefur lokað og sýnir hvernig aðgangarnir eru opnir en um leið og hann endurhleður síðuna er búið að loka aðgöngunum.
View this post on Instagram
Aðgangur hakkarans fylgir aðeins einni manneskju og er það aðgangur söngvarans Jóns Jónssonar. Þá birtir hann mynd af aðgangi Jóns í Instagram-sögu sína og skrifar „Hæ“.
Því má ætla að Jón verði næsta fórnarlamb hakkarans en þegar þetta er skrifað er aðgangur hans enn opinn.
