Saturn Rose, frá Vancouver í Kanada, er aðeins 22 ára gömul en er að fara að gangast undir sína fjórðu fegrunaraðgerð á rassi, betur þekkt sem brazilian butt lift.

Hún hefur eytt yfir tólf milljónum í mismunandi fegrunaraðgerðir og var aðeins nítján ára þegar hún lagðist fyrst undir hnífinn.

Hún kemur fram í nýlegum þætti frá vefmiðlinum Truly.

Saturn segir að fyrsta aðgerðin hennar hefði misheppnast, rassinn hefði verið stærri en hún vildi. Þess vegna hefði hún farið í fleiri aðgerðir, til að laga það sem mistókst í þeirri fyrstu. Hún ætlar í fjórðu aðgerðina til að klára að laga það sem truflar hana.

Saturn er einnig með fylliefni í andlitinu og vörunum.

„Ég er búin að eyða mjög miklum peningum – ég gæti örugglega átt fasteign núna,“ segir hún og hlær.

Saturn nýtur mikilla vinsælda á samfélagsmiðlum og því miður fylgir því oft á tíðum neikvæð athygli. Hún segist reglulega fá ljótar athugasemdir um útlit sitt. „Ég veit ekki af hverju þau hata mig svona, en þau geta ekki hatað það mikið fyrst þau eru að fylgja mér,“ segir hún.

Horfðu á þáttinn hér að neðan.