Dísa Edwards er 33 ára þriggja barna móðir búsett í Njarðvík. Hún er lærður einkaþjálfari og með BA gráðu í talmeinafræði frá Auburn University. Hún starfaði sem flugfreyja hjá Icelandair og starfar í dag sem aðstoðarmaður fasteignasala í löggildingarnámi.
Dísa hefur alltaf haft mikinn áhuga á íþróttum og hreyfingu. „Ég spilaði körfubolta öll mín yngri ár og færði mig svo yfir í CrossFit árið 2014. Samhliða CrossFit hef ég mikið verið að stunda lyftingar,“ segir Dísa.
Árið 2015 fékk hún brennandi áhuga á öllu því sem tengist næringu. „Þá lærði ég nýja nálgun á mataræði sem breytti öllu hjá mér. Ég byrjaði með fjarþjálfun, Body By Disa, árið 2020 þar sem ég legg áherslu að kenna kúnnunum mínum sömu nálgun og hvað það er mikill „game changer“ þegar kemur að því að ná sínum markmiðum.“
Dísa leggur ríka áherslu á að styrkja og móta rassvöðvana í prógramminu sem hún gerir fyrir viðskiptavini sína. „Það sem skiptir mestu máli þegar maður vill stækka þennan vöðva er að virkja hann vel fyrir æfinguna, kveikja á honum og vera viss um að maður sé að nota hann þegar maður gerir æfingarnar,“ segir hún. „Ásamt því er mikilvægt að velja æfingar sem henta manni og reyna á vöðvann. Samblanda af þungum lyftingum og svo léttum „high reps“ æfingum er best og „progressive overload“ er einnig mikilvægt. En það þýðir einfaldlega að það er mikilvægt að skora á sig og þyngja viku frá viku og bæta við fjölda endurtekninga.“
View this post on Instagram
Aðspurð hver algengustu mistökin séu þegar fólk vill stækka rassvöðvann segir Dísa að það sé að fara ekki eftir neinu ákveðnu plani.
„Og er að gera mismunandi æfingar á tveggja vikna fresti, eða jafnvel vikufresti. Það þarf ekki að vera alltaf að gera einhverjar nýjar æfingar. Það sem skilar besta árangrinum er að velja æfingu sem maður finnur vel fyrir og halda sig við hana í allaveganna fjórar vikur. Einnig eru algeng mistök að kveikja ekki á rassöðvanum fyrir æfingar og taka þá jafnvel heila æfingu þar sem aðrir vöðvahópar eru að vinna mestu vinnuna þegar aðal áherslan á að vera rassinn.“
3 hringir:
2 hringir
Fyrir þessa æfingu þarftu tvö handlóð og teygju.
Fyrir þessa æfingu þarftu tvö handlóð og teygju. Þetta eru fjórar lotur. Í hverri lotu eru þrjár æfingar og þú gerir þrjár umferðir af þeim æfingum. Hver æfing er framkvæmd í 45 sekúndur í senn, svo ferðu strax í næstu æfingu. Eftir hverja umferð hvílirðu í 30 sekúndur. Síðan þegar þú ert búin að gera þrjár umferðir þá hvílirðu í eina mínútu áður en þú ferð í næstu lotu.
Hér að neðan geturðu séð æfinguna í heild sinni, myndir af Dísu framkvæma hverja æfingu má svo sjá neðar.
*Hér getur þú notað teygju til að fá meira út úr æfingunni.
Sama og hér að ofan nema hinn fóturinn.
Sama og hér að ofan nema hægri hlið.
*Hér getur þú notað teygju til að fá meira út úr æfingunni
Sama og hér að ofan nema hinn fóturinn.
