Bridgerton-stjarnan Phoebe Dynevor er að slá sér upp með grínistanum Pete Davidson. Phoebe leikur í geysivinsælu Netflix-þáttunum Bridgerton sem sló met á streymisveitunni.
Pete Davidson er þekktur grínisti og leikari. Hann var í stuttu en mjög opinberu sambandi með söngkonunni Ariana Grande. Þau byrjuðu saman í maí 2018 og trúlofuðust stuttu seinna, en sambandinu lauk fimm mánuðum síðar. Hann hefur síðan þá verið í nokkrum stuttum samböndum, til að mynda með Kate Beckinsale, 47 ára, og Kaia Gerber, 19 ára.
Nú virðist hann vera að slá sér upp með Phoebe, en sögusagnir um samband þeirra bárust fyrst í mars. En nú telja fjölmiðlar vestanhafs það endanlega vera hægt að staðfesta samband þeirra eftir að þau voru mynduð í fyrsta skipti saman. Daily Mail birti myndirnar og þær má sjá hér.
Það er lítið vitað um samband þeirra. Pete býr í Bandaríkjunum á meðan Phoebe býr í Bretlandi. En samkvæmt heimildarmanni Page Six hlýtur Pete að vera hrifinn af leikkonunni fyrst hann sé að fljúga til Bretlands og heimsækja hana í litlu þorpi í Bretlandi á meðan hún er í tökum.
