Valgerður Ólafsdóttir, þroskasálfræðingur og framkvæmdastjóri Velferðarsjóðs barna lést fyrr í mánuðinum. Rúmum mánuði fyrir andlátið fagnaði Valgerður 70 ára afmæli sínu og af því tilefni orti eiginmaður hennar, Kári Stefánsson, til hennar ljóð og fékk Þorstein Einarsson í hljómsveitinni Hjálmum til að gera lag við ljóðið sem var svo flutt í afmæli Valgerðar.
Hjálmar í samstarfi við Kára hafa nú gefið lagið út ásamt myndbandi. Þó að um ástarljóð sé að ræða leikur sorgin stórt hlutverk í myndbandinu enda hefur Valgerður látin eftir að hafa fylgt Kára um lífsins veg í rúmlega hálfa öld. Kári sjálfur er í aðalhlutverki í myndbandinu og sýnir þar berskjaldaðri hlið á sér en við höfum áður fengið að sjá.
Lagið heitir Kona og er textinn eftirfarandi:
Bærðist ekkert utan hjarta
einn á gangi og nóttin bjarta
bjó þig til.
Nætur sumars, sumar nætur
suma okkar heppna lætur
finna ást sem aldrei dvínar
ætíð finnur rætur sínar
þótt árin líði og öllu breyti
utan þérÞú ert ennþá ilmur blóma
ennþá sveipuð skærum ljóma
seiðandi bjartrar sumarnætur
sem mér ávallt finnast lætur
að friðurinn sé hér.
Úr mínu gamla höfði og hjarta
hrekur burtu myrkrið svarta
kveikir ljósBærðist ekkert utan hjarta
einn á gangi og nóttin bjarta
bjó þig til.
Eins og blóm í haustsins haga
hátíð gerir alla daga,
það er ekkert eins og þú
ástin mín fagra þá og nú
Lagið og myndbandið má svo sjá hér fyrir neðan:
