Kona leitar ráða til Dear Deidre, kynlífs- og sambandsráðgjafa The Sun. Þannig er mál með vexti að nýi kærasti hennar er með þráhyggju fyrir fótunum hennar og það er að skapa ýmis vandamál.

Konan er 40 ára og maðurinn 46 ára. Þau kynntust á netinu og hafa verið saman í þrjá mánuði.

„Uppáhalds kynlífsathöfnin hans er að sjúga tærnar mínar. Hann getur sleikt og kysst þær í marga klukkutíma í senn, og hann verður svo æstur að gera það að hann er við það að springa,“ segir konan.

„Enginn hefur áður sogið tærnar mínar. Mér finnst það ekki ónotalegt, þetta var reyndar frekar heitt í fyrstu skiptin sem hann gerði þetta. En nú er þetta byrjað að trufla mig.

Ef ég á að vera alveg hreinskilin þá hef ég aldrei verið hrifin af fótunum mínum. Tærnar mínar eru frekar langar og skrýtnar og ég hef áhyggjur af táfýlu á sumrin. En kærastanum mínum finnst tærnar mínar það fallegasta við mig. Hann er alltaf að tala um hvað þær eru fallegar, hversu mjúk húðin er og hversu hrifinn hann er af lyktinni af þeim.“

Konan segir að hún sé hrædd um að hann sé hrifnari af fótunum hennar en andliti hennar eða vaxtarlagi. „Það gerir mig óörugga. Við stundum alveg venjulegt kynlíf en það er alltaf hluti af forleiknum að hann sjúgi tærnar mínar.“

Konan segir að þetta sé farið að valda henni áhyggjum. Hún vill ekki hætta með honum en hún vill einhvern sem vill hana, ekki bara tærnar hennar. „Hvað ætti ég að gera?“

Deidre svarar konunni og segir að sjúga tær sé ekki eins óvenjulegt og fólk heldur. Hún segir að það séu margir taugaendar í tánum og undir iljunum. „Þess vegna kitlar fólki þarna, en það getur líka fundið fyrir ánægju. En það hljómar eins og kærastinn þinn er að fara með þetta alla leið og áhugi hans gæti verið hluti af fótablæti sem hann er með. Ef þú vilt að sambandið ykkar haldi áfram þá þarftu að tala við hann um þetta og segja honum hvernig þér líður,“ segir Dear Deidre.

„Þú gætir stungið upp á málamiðlun, eins og að „fótafjör“ sé bara í annað hvert skipti sem þið stundið kynlíf? Talaðu við hann rólega, ekki þegar þið eruð í rúminu svo hann finnur ekki fyrir höfnun.“