Leikarinn Will Smith hefur undanfarið talað opinskátt um samband sitt og eiginkonunnar, Jada Pinkett Smith, þar á meðal kynlíf þeirra hjóna, en þau hafa bæði verið
ófeimin að ræða það opinberlega.
Í september greindi Will Smith frá því að hann og Jada væru í svo kölluðu opnu hjónabandi, sem felst í því að báðum aðililum í hjónabandi er frjálst að eiga í kynferðislegu- og eftir atvikum rómantísku sambandi við aðra. Will og Jada hafa verið gift í tæp 24 ár og eiga saman börnin Jaden og Willow Smith.
Mánuði síðar opnaði Jada sig um kynlíf þeirra hjóna og mikilvægi samskipta í spjallþætti hennar, Red Table Talk.
Nú er komið að Will að ræða málin. Hann var í spjallþætti Opruh Winfrey, The Oprah Conversation, sem kom út á AppleTV+ á föstudaginn. Í þættinum fer hann yfir það hvernig kynlíf hans og Jada var þegar þau fóru fyrst að stinga saman nefjum.
Will mætti í þáttinn til að kynna sjálfsævisögu sína, Will, sem kemur út á morgun. Oprah las upp kafla bókarinnar sem fjallar um hveitibrauðsdaga Will og Jada og hvernig þau hafi „drukkið á hverjum degi og stundað kynlíf margsinnis á dag, í fjóra heila mánuði.“
„Ég fór að velta því fyrir mér hvort þetta væri einhver keppni. Það voru bara tveir valmöguleikar, ég ætlaði annað hvort að: 1) fullnægja þessari konu kynferðislega, eða 2) deyja við að reyna það,“ sagði Will.
„Fyrst þú ert ekki dauður þá reikna ég með að þú hafir unnið keppnina,“ sagði Oprah og Will hló.
„Jah, þetta endaði með að vera mikið flóknara en svo,“ sagði hann.
„Þessir fyrstu dagar voru stórkostlegir. Ennþá í dag, þegar við Jada tölum saman, þá eru það fjórir tímar. Það eru fjórir tímar ef við eigum orðaskipti. Það er ástæðan fyrir því að við séum enn saman, og viljum ekki kreista líftóruna úr hvort öðru. Við höfum getuna til að komast í gegnum vandamál […] Ég hef aldrei hitt neinn sem ég get átt í jafn góðum samskiptum við og Jada.“