Húðflúr njóta vinsælda sem aldrei fyrr og mismunandi hvaða leiðir fólk kýs að fara í þeim efnum. Maður nokkur sem bað um listrænt tattú af hesti reiknaði líklega ekki með því að mynd af húðflúrinu hans myndi enda í Facebookhópnum That’s it, I’m inkshaming sem er tileinkaður óheppilegum húðflúrum. Hópurinn er gríðarstór, telur yfir 125 þúsund meðlimi, og skapast þar gjarnan skemmtilegar umræður.
„Ég væri alveg til í hestatattú en þetta er ekki hestur,“ segir einn meðlimur hópsins um tattúið sem sjá má á meðfylgjandi mynd.
Fólk virðist nokkuð sammála um hverju tattúið líkist, og einhverjir spyrja hreinlega: „Er þetta TYPPI á skjánum mínum?“
Þá leggur einn orð í belg og segir að miðað við hversu vandað er til verka þá geti það ekki verið tilviljun hverju tattúið líkist.
Enn einn sagði: „Þetta er limur. Ég hef heyrt frá húðflúrurum að sumir þeirra reyni að lauma einhverju dónalegu í hönnunina og athuga hvort þeir komast upp með það. Ég held að það hafi gerst hér.“
