Óvenju kynferðisleg rennibraut vakti nýverið mikla athygli en um er að ræða rennibraut sem minnir óneitanlega á kynfæri, svo virðist vera sem rennibrautin sé samansett úr typpi sem fer inn í píku.
„Hver samþykkti þetta!“ var skrifað við mynd af rennibrautinni sem deilt var í Facebook-hóp. Rennibrautin vakti svo enn meiri athygli þegar henni var deilt á samfélagsmiðlinum TikTok, þar mátti sjá fjöldann allan af reiðum foreldrum sem hneyksluðust á rennibrautinni.
„Hvað í fjandanum? Ég held að sex ára börn þurfi ekki að vita hvað þetta er strax,“ skrifar til að mynda eitt foreldri. „Hver sagði að þetta væri í lagi, ég þarf að ræða við móður viðkomandi,“ skrifaði annað. Þá sögðu fleiri að rennibrautin væri óviðeigandi og að hönnuður hennar hafi 100% vitað hvað hann væri að gera.
Reiði foreldranna var þó óverðskulduð þar sem umrædd rennibraut stendur ekki á neinum leikvelli. Um er að ræða leikmun sem gerður var fyrir nýja kvikmynd sem leikarinn og kvikmyndagerðarmaðurinn Seth Rogen er að gera. „Það er búið að taka þetta niður,“ segir kona nokkur. „Þetta er frá kvikmyndasetti í Kanada,“ segir önnur.