Sænski bloggarinn Anna Bey er 34 ára og búsett í London. Hún prýðir sig af því að kenna konum hvernig þær eiga að næla sér í ríka og vel menntaða karlmenn. Hún heldur úti YouTube-síðunni School Of Affluence og samnefndum „netskóla“ sem hún lýsir sem elítuskóla „fyrir dömur sem sækjast eftir fáguðu líferni.“

Sjá einnig: Kennir konum hveranig á að næla sér í ríka karlmenn

Í nýju myndbandi fer hún yfir 5 leiðir til að vera svo ómótstæðileg að hann vill aldrei fara frá þér.

Ekki gleyma hvers virði þú ert

Anna segir að konur eiga að setja mörk og krefjast virðingar. „Þegar þú gefur frá þér þessa orku, hvað gerist þá? Þá er komin þannig fram við þig. Þannig mun fólk, bæði karlmenn og kvenmenn, koma fram við þig.“

Leyfðu honum að sýna tilfinningar

Samkvæmt Önnu tengja karlmenn meira við konur sem leyfa þeim að vera viðkvæmir. „Allir karlmenn þurfa að tjá tilfinningar sýnar og leyfðu honum að eiga þessi augnablik,“ segir hún.

Vertu sjálfsörugg

„Giskaðu hvað orsakar mestu vandamál í sambandi? Fyrir utan léleg samskipti auðvitað. Það er óöryggi dömur,“ segir hún.

Ekki vera hrædd um að láta hann hafa fyrir þér

Anna talar um gamla trixið: „Playing hard to get.“ Hún segir karlmenn hafa meiri áhuga ef konur eru ekki alltaf tilbúnar við símann eða svara skilaboðum samstundis. Hún segir karlmenn sækjast í „áskorun.“

„Það sem ég er að segja, er að ekki sitja bara í sófanum allan daginn, horfa á sjónvarpið og bíða eftir að hann hringi,“ segir hún.

Vertu umhyggjusöm

„Við konur sitjum á gullnámu, því það er svo auðvelt að laða karlmenn með kvenleika okkar, með ást og umhyggju,“ segir hún. „Það er mjög mikilvægt að veita manninum umhyggju, en ég er ekki að segja þér að vera dyramotta, eða þernan hans eða þrællinn hans. Þú getur hugsað um karlmann en samt sett honum mörk,“ segir hún.

Þú getur horft á myndbandið hennar í heild sinni hér að neðan.