Kvikmyndin Alma var frumsýnd í Háskólabíó þann 7. maí síðastliðinn. Myndin er leikstýrð af Kristínu Jóhannesdóttur og skartar þeim Snæfríði Ingvarsdóttur, Kristbjörgu Kjeld, Hilmi Snæ Guðnasyni og Emmanuelle Riva í aðalhlutverkum.

Twitter notandinn Aron Elí Helgason benti í dag á líkindi söguþráðs myndarinnar og söguþráðs kvikmyndarinnar Double Jeopardy sem kom út árið 1999. Á smarabio.is er söguþráð myndarinnar Alma lýst svo: „Alma er örlagasaga ungrar konu sem er lokuð inni á réttargeðdeild eftir að hafa játað á sig morð á kærasta sínum án þess þó að muna eftir þeim atburði. Eftir sjö ár berast þær fréttir að kærastinn sé sprelllifandi og á leið til landsins. Hún ákveður að drepa hann þar sem hún er hvort sem er búin að afplána dóm fyrir glæpinn.“

Gott plot. Held ég hafi séð hana samt. pic.twitter.com/HfXlRTMAdg

— Aron Elí Helgason (@heimsending) May 15, 2021

Á imdb.com er söguþráður Double Jeopardy svona þegar hann er þýddur yfir á íslensku: „Kona er sögð hafa drepið eiginmann sinn en hann er enn á lífi. Það er sem það er búið að rétta yfir henni vegna glæpsins, er ekki hægt að kæra hana ef hún finnur hann og drepur hann“

Það verður að segjast að söguþráðirnir eru keimlíkir en ólíklegt að hugmyndin að kvikmyndinni Alma sé stolin. Alma er sýnd í Smárabíó og Bíó Paradís.