Ferðaljósmyndarinn og samfélagsmiðlastjarnan Ása Steinars birti á dögunum myndband á TikTok um hvernig Hinsegin dögum er fagnað á Íslandi í ár. Þá sérstaklega vakti hún athygli á því að kirkjur landsins hefðu flaggað regnboga fánum og að Biskupinn hafi beðið hinsegin samfélagið afsökunar á misrétti og fordómum sem samfélagið hefur þurft að þola af hálfu kirkjunnar í gegnum árin.
Ása sagði við DV að myndböndin væru að vekja svakalega athygli. Myndbandið sé þegar þetta er skrifað búið að fá 2.4 milljónir áhorf, 700 þúsund „like“ og 15 þúsund athugasemdir.
@asa.steinarsHappy pride from Iceland 🏳️🌈 ##pride #lgtb ##lgtbq ##gaypride♬ Kings & Queens – Ava Max
Ása segir að viðbrögðin séu ólík milli landa, sumum finnst þetta ekki kristilegt á meðan aðrir vilja flytja til Íslands eftir þessar fréttir og dásama landið fyrir þetta.
Athygli vekur að athugasemdirnar á Instagram eru talsvert neikvæðari en á TikTok og segir Ása að þarna gæti mögulega verið um kynslóðamun að ræða og að hann spili hlutverk. „GenZ kynslóðin er á TikTok og eldri kynslóðirnar Millennials og Boomers séu á Instagram.“ Vísar Ása þá til þess að viðhorf gagnvart hinsegin fólki og réttindabaráttu þess sé talsvert jákvæðara meðal yngri kynslóðarinnar.
View this post on Instagram