Guðmundur Franklín Jónsson, forsetaframbjóðandi, er fráskilinn og ókvæntur. Aðspurður hvernig hann heldur að tilhugalífið verði ef hann verði næsti forseti Íslands segir hann: „Ég held að það verði mjög erfitt. Það verður svo mikið að gera, en maður á aldrei að segja aldrei,“ segir Guðmundur.
En hvaða eiginleika þarf möguleg framtíðar forsetafrú að hafa? „Hún þarf að hafa húmor og heiðarleika. Jarðbundin kona sem er til í ævintýri.“
Guðmundur Franklín ætlar þó ekki að notast við stefnumótaforrit í leit að ástinni. „Skráði mig fyrir mörgum árum á Tinder og var fljótur út aftur, aldrei lent í öðru eins,“ segir Guðmundur og brosir.
Guðmundur sjálfur hefur gaman af því að elda og stundar útivist. Guðmundur er hótelstjóri á Hotel Klippen í Gudhjem á Borgundarhólmi í Danmörku svo hann er vafalaust huggulegur heim að sækja.
Í helgarblaði DV er meðal annars að finna uppskrift af uppáhalds ostaköku Guðmundar.
