Fjölmiðlamaðurinn Logi Bergmann segist hafa þann sið að líka við færslur fólks í kommentakerfum þegar það drullar yfir hann.
Í viðtali við Sölva Tryggvason segist Logi hafa gaman að þessu og gera það til að sýna fólki hvað hann taki færslur af þessu tagi alvarlega. Logi segir það lensku að fólk taki hneykslun of alvarlega og það hafi áhrif á samfélagsumræðuna.
Sölvi og Logi ræða um gervigreind á netinu og svo kallaða tölvuyrkja (e. bot).
„Í okkar litla samfélagi er erfiðara að vera „botti“ [en í Bandaríkjunum] en það segir manni líka að þú ert að reyna að hafa áhrif á samfélagsumræðu með því sem þú segir á samfélagsmiðlum. Og stundum finnst mér að við eigum ekki að hleypa henni svona langt. Gott að fá öll viðhorf en við megum ekki festast í því sem einhver segir í kommentakerfinu. Þegar fólk drullar yfir mig í kommentakerfinu þá „læka“ ég það. Mér finnst það mjög gaman. Það sýnir fólki að ég sá þetta og tek þetta „svona“ alvarlega. Ég hef engar áhyggjur af þessu og ætla ekki að fara taugum yfir þessu,“ segir hann.
Í viðtalinu ræða Logi og Sölvi áhugaverðustu viðmælendurna, grínið, stemmninguna í Covid tímabilinu, fjölmiðlana og margt margt fleira.
Viðtal Sölva við Loga má sjá hér.
https://www.youtube.com/watch?v=6XzR5MHinFE&t=6s