Jón Jónsson hefur verið duglegur að deila tónlistarmyndböndum á Instagram vegna samkomubannsins. Í nýjasta myndbandinu syngur hann lag sem hann samdi þegar hann var í ástarsorg árið 2005.

Jón Jónsson er giftur æskuást sinni Hafdísi Björk Jónsdóttur. Þau eiga saman þrjú börn.

Jón greinir frá því að þau hafi hætt saman árið 2005, en sem betur fer var það tímabundið. Á meðan sambandsslitin stóðu yfir samdi hann lag til hennar og flytur það í myndbandinu sem má horfa á hér að neðan.

„Síðsumars 2005 hættum við Hafdís Björk saman um tíma og ég fékk að upplifa sanna ástarsorg. Stuttu síðar kom lagið To her til mín. Ég í raun var jafn lengi að semja það og lagið er langt,“

segir hann og bætir við að svona geti tónlistin verið góður sálfræðingur. Jón tók upp lagið í herberginu hjá vini sínum og ætlaði að brenna það á disk fyrir Hafdísi.

„Fannst það brilliant hugmynd! En þökk sé Kristjáni varð ekkert úr því. Ætli það sé ekki þess vegna sem við [Hafdís] séum hjón í dag?“

https://www.instagram.com/p/B-Cwr_7H1ot/