Það var mikið högg fyrir Eurovision-aðdáendur þegar fréttir bárust fyrr í dag að það væri búið að aflýsa keppninni í Rotterdam í ár.
Þetta hefur verið sérstaklega erfitt fyrir íslenska aðdáendur þar sem framlag okkar var talið eitt af sterkustu lögunum í ár. Var þetta árið sem við loksins áttum að vinna?
Sjá einnig: „Stutt í panikk“ – Íslendingar í öngum sínum vegna Eurovision – „Hlutum fer fækkandi sem hægt er að fagna“
Það segja Eurovision-aðdáendur sem hafa sett af stað undirskriftasöfnun um að Ísland eigi að vinna keppnina, þó hún verði ekki haldin. Undirskriftasöfnunum er á Change.Org og biður Söngvakeppni evrópskra sjónvarpsstöðva um að krýna Daða og Gagnamagnið sem sigurvegara 2020.
Þegar fréttin er skrifuð hafa rúmlega 300 manns skrifað undir. Það verður áhugavert að sjá hversu margir hafa skrifað undir í lok dags.
Mun Ísland kannski vinna Eurovision eftir allt?
