Ansi sérstöku skjáskoti var deilt í gær af Twitter-verjanum, Steinunni Ólínu. Skjáskotið er af Facebook-færslu þar sem að íslensk kona sýnir umheiminum prjónaða vettlinga. Vettlingarnir eru þó ekki með hefðbundnu sniði, en efniviðurinn er úr dauðum hundi konunnar. Færslunni fylgir einnig mynd af vettlingunum og hundinum.
„Það gladdi litla hjartað mitt að sjá og máta þessa vettlinga sem eru prjónaðir úr feldinum hans Gosans míns sem kvaddi fyrir tveimur árum síðan. það sem ég sakna hans.“
Færsla Steinunnar á Twitter hefur vakið mikla athygli, en sagan af hundavettlingunum virðist ekki fara vel í fólk. Sumir segja meira að segja að þeir neiti að trúa því sem fyrir augu þeirra ber.
„Nei þetta er ekki alvöru. Ég neita að trúa því.“
Þó er ekki vitað síðan hvenær Facebook-færslan af hundavettlingunum er, eða þá hvort það sem komi fram í henni sé raunverulegt eða ekki.
