Undanfarna daga hefur skemmtileg umræða átt sér stað á Twitter. Íslendingar skiptast á að deila sögum um hvernig þeir komust að því að jólasveinarnir væru ekki til.
Hvernig komstu að því að jólasveinarnir væru ekki til?
— Hafrún Elísa (@hafrunelisa) December 6, 2020
Hér eru nokkrar góðar sögur.
Grunur var farinn að læðast að mér í kringum 8 ára. Strákur af brotnu heimili kjaftaði svo yfir allan bekkinn því hann fékk ekki í skóinn frá pabba sínum. Vildi ekki trúa því en eftir nokkrar hávísindalegar prófanir, gekk ég á foreldra mína og þau játuðu á sig blekkingarleikinn.
— Silja Björk (@siljabjorkk) December 6, 2020
Hafði grunað þetta lengi. Ekkert við þetta dæmi gekk upp. Foreldrar mínir eru ömurlegir lygarar. Svo það var klassísk vaka til að fá traust gögn í málið. Var hæstánægð að hafa haft rétt fyrir mér þegar ég nappaði mömmu að brölta gegnum draslið á gólfinu í herberginu mínu.
— Heiða D. Liljudóttir (@heidulius) December 8, 2020
Ég var 8 ára. Vinkona mín hélt því fram að þeir væru ekki til. Ég hélt mér vakandi þangað til pabbi kom inn og setti í skóinn. Man ekki eftir neinum sérstökum vonbrigðum. Grjóthélt auðvitað kjafti í 5 ár í viðbót til að missa ekki af gjöfunum.
— Sólveig (@solveighauks) December 6, 2020
Þegar tveir bræður komu í skólabílinn og höfðu fengið í skóinn einum degi á undan öllum hinum vegna ruglings um hvaða dag fyrsti jólasveinninn kæmi.
Þá heyrði ég fyrst samsæriskenningar um að jólasveinar væru ekki til.— Orri Tómasson (@orritomasson) December 7, 2020
biðst afsökunar á þessu, 22 árum seinna. maður var bara byrjaður svo snemma að stinga á kýlum og opna umræðuna
— Dagur (@Dagursig) December 6, 2020
Kennarinn minn í öðrum bekk var að segja öllum bekknum sögu um jólahefðir á sínu heimili. Í stað þess að segja „jólasveinninn gaf stráknum mínum dót í skóinn“ þá sagði hún óvart „ÉG gaf stráknum…“ og kramdi þannig ca 15 hjörtu á einu augnabliki.
— Svaný (@Svany) December 7, 2020
Sko, mamma segir að ef maður trúir á jólasveininn, þá fái maður í skóinn. Hér er ég, 32, flutt til útlanda og ég fæ samt í skóinn fyrir hver jól. Kannski þurfið þið bara að trúa meira 🤷♀️
— Lovísa Dröfn (@lovisadrofn) December 6, 2020
Mamma sagði við mig “og þú veist nátturlega að jólasveinninn er ekki til” og ég bara “ehh..haha jú algerlega auðvita veit ég það…lol”
Ég var 13 ára.
— Bylgjan (@bylgja_babylons) December 7, 2020
Ég var nýflutt á Eskifjörð sumarið ‘97. Vildi ganga í augun á krökkunum og þegar einn stóri strákurinn sagði að jólasveinarnir væru ekki til þá sagðist ég vita það. Fékk sting í magann. Grét um kvöldið.
— Guðrún Andrea (@grullubangsi) December 6, 2020
Ég vaknaði við að pabbi missti gjöfina í skóinn í kringum 8 ára aldur
— Giovanna Steinvör Cuda (@CudaGiovanna) December 6, 2020
Vaknaði við umgang og sá pabba vera að baxa eitthvað. Svo segir hann „jæja, þá veistu hvernig jólasveinninn lítur út“
Var sirka 10 ára.
— Pétur B. Heimisson (@ofurpesi) December 7, 2020
SAMA HÉR!! Var 7 eða 8 ára og kennarinn ákvað að tilkynna okkur þetta þegar við vorum að sauma út litla jólasveina
— Guðrún Gígja (@GigjaGeorgsd) December 6, 2020