„Á tökustað mátti ég ekki einu sinni ná augnsambandi við leikarana, sem er frekar erfitt þegar þú ert að reyna að leika í atriði með þeim. Já það var alveg: Þú mátt ekki ná augnsambandi við leikarana, annars þarftu að yfirgefa tökustaðinn,“ segir Jessica í þættinum „Hot Ones“ á YouTube-rás First We Feast.
Tori Spelling og Jenni Garth ræða málið í nýja hlaðvarpsþætti sínum „90210MG“. E! Online greinir frá.
„Tori, ég verð að vita það, sagðir þú henni að hún mætti ekki ná augnsambandi við mig?“ Spurði Jennie Garth.
„Af hverju snýst þetta alltaf um þig,“ svaraði þá Tori Spelling.
Þær rifjuðu upp tímann sem Jessica Alba var í þáttunum og komust að þeirri niðurstöðu að Jennie Garth var sú sem lék í atriðum með Jessicu.
„En ég man ekki eftir að hafa sagt að hún mætti ekki ná augnsambandi við mig, en ég er með versta minni í heimi,“ segir Jennie.
Tori velti því fyrir sér hvort að framleiðendur þáttanna hafi dreift „minnisblaði“ um þessa skrýtnu reglu sem þær hafi ekki vitað af.
Þær tóku það einnig skýrt fram að þær hafa ekkert á móti Jessicu Ölbu og finnst hún vera frábær leikkona.
„Ég man að hún var ótrúlega hæfileikarík og mjög ung. Hún var mjög indæl og það kemur mér ekkert á óvart að hún hafi náð svona langt,“ segir Jennie.
„Ég ætla ekki að ljúga. Ég var miður mín þegar ég sá myndbandið af henni, þar sem hún sagðist ekki hafa mátt ná augnsambandi við okkur, og að hún hafi átt svona skelfilega upplifun á tökustað með okkur, því blautþurrkurnar hennar eru í uppáhaldi hjá mér,“ segir hún og vísar í vinsælustu vöru fyrirtækis Jessicu, The Honest Company.
„Ég meina það, ég skeini barninu mínu á hverjum degi með blautþurrkunum hennar. Ég er miður mín.“
