Myndir af milljón króna mottum frá ítalska framleiðandanum Minotti og fást í húsgagnaversluninni vinsælu Módern, hafa farið á flug á samfélagsmiðlum. Furðar fólk sig þar á verðinu á mottunum sem kosta frá 1.117.665 krónum og upp í 1.950 655 krónur. Fer verðmunurinn eftir stærð en motturnar koma í nokkrum stærðum en sú stærsta er 4×4 metrar.
Meðal þess sem netverjar skrifa undir skjáskot af motunni er „Hvað ætli hún fari marga km á klst?“ og er þá vísað til þess að mottan hljóti að fljúga fyrir þessa upphæð.
Samkvæmt upplýsingum frá Módern sem selur motturnar hérlendis eru þær handofnar og taka margar mánuði í framleiðslu. Motturnar eru framleiddar á Ítalíu, aðalega úr Lyocel-efni og eru vinsæl hönnunarvara en þær eru hannaðar af Rodolfo Dordoni.
Þykja motturnar stílhreinar og fallegar en ekki fékkst uppgefið hvort það seljist mikið af þeim hérlendis.