Snæfríður Ingvarsdóttir, ein efnilegasta leikkona landsins og hin hæfileikaríki Högni Egilsson, söngvari Hjaltalín, eru hætt saman eftir 6 ára samband.

Snæfríður útskrifaðist úr Leiklistarskólanum vorið 2016 og hefur síðan slegið í gegn í hverju leikverkinu á fætur öðru og var hún tilnefnd til Eddunar strax ári eftir að hún útskrifaðist.

Snæfríður þykir hafa fallega rödd sem hefur fengið að njóta sín í söngleikjum í Þjóðleikhúsinu auk þess sem hún hefur getið sér gott orð sem fyrirsæta á tískusýningum og í auglýsingum. Snæfríður er dóttir eins ástsælasta leikarapars landsins, Ingvars E. Sigurðssonar og Eddu Arnljótsdóttur, og gefur hún foreldrum sínum ekkert eftir í faginu.