Raunveruleikaþættir um kraftajötuninn Hafþór Júlíus Björnsson eru í bígerð. Frá því greinir The Hollywood Reporter. Þátturinn sem mun bera nafnið Beat the Mountain og verður framleiddur af Wheelhouse Entertainment og Spoke Studios.
Á dögunum náði Hafþór heimsmetinu í réttstöðulyftu, er hann lyfti 501 kílóum. Í kjölfarið var boxbardagi hans gegn Eddie Hall tilkynntur. Báðir hafa þeir hlotið titilinn sterkasti maður heim, en Hall átti heimsmetið í réttstöðulyftu á undan Hafþóri. Frægðarstjarna Hafþórs reis líklega fyrst er hann lék í þáttunum Game of Thrones, en þaðan fékk hann viðurnefni sitt „fjallið“.
Í Beat the Mountain mun fólk keppa í styrktar- og þolraunum. Þættinum hefur verið lýst sem áskorun þar sem að íþróttamenn munu takast á í einstökum viðureignum. Sá íþróttamaður sem stendur sig best mun síðan keppa við Hafþór.
