Emmy-verðlaunaafhendingin í gærkvöldi var sú óvinsælasta frá upphafi samkvæmt mælingum. Þetta kemur fram á vefnum TV Line en þar er gefið er upp að tæplega sex milljónir manna hafi fylgst með verðlaununum og sé það 34% hrap frá útsendingu síðasta árs.
Sem fyrr var hátíðin haldin í Los Angeles og voru verðlaunin veitt sérstaklega fyrir bestu þætti, leikstjórn, handrit og leikara. Í síðustu viku var fólki veitt verðlaun sem vinnur á bakvið tjöldin og hreppti þar íslenska tónlistarkonan Hildur Guðnadóttir sína fyrstu styttu.
Í heildina voru þættirnir Game of Thrones, Fleabag, The Marvelous Mrs. Maisel og Chernobyl fyrirferðamestir. Má þess geta að Chernobyl þættirnir hlutu tíu verðlaun.
Sjá einnig: Vinningshafar Emmy-verðlaunanna – Sjáðu bestu augnablikin frá hátíðinni
