Tónlistarmaðurinn Haraldur Reynisson, betur þekktur sem Halli Reynis, er látinn 52 ára að aldri. Vísir greinir frá.
Halli Reynis starfaði lengi sem tónlistarmaður, hann gaf út sína fyrstu plötu árið 1993 og gaf alls út 8 sólóplötur á ferli sínum. Hann var menntaður grunnskólakennari og hafði starfað sem tónlistarkennari í Ölduselsskóla undanfarin ár.
Í tilkynningu frá Ölduselsskóla sem var send á foreldra nemenda segir að andlát hans hafi borið að með skjótum hætti.