Sunnudagur 26.janúar 2020
Fókus

Virkir í athugasemdum fá uppreist æru – aftur: „Ég leiðrétti hvorki stafsetningu né hástafi”

Fókus
Laugardaginn 31. ágúst 2019 18:30

Spilið og ég Óli með spilið góða.

Ekki missa af Helstu tíðindum dagsins í pósthólfið þitt

Lesa nánar

Ný útgáfa af hinu geysivinsæla spili #Kommentakerfið er nú komin í forsölu á Karolina Fund en stefnt er á að spilið fari í dreifingu um miðjan september. Höfundur spilsins heitir Óli Gneisti Sóleyjarson en fjögur ár eru nú síðan upprunalega útgáfan kom út. Óli Gneisti er menntaður bókasafns- og upplýsingafræðingur með meistaragráðu í þjóðfræði og hagnýtri menningarmiðlun en hann segist hafa gengið lengi með hugmyndina að spilinu. „Mig hafði dreymt um að gefa út spil en tók skrefið fyrir fjórum árum og óhætt að segja það hafa slegið í gegn. Það eru því frábærar fréttir fyrir aðdáendur spilsins að fljótlega verði fáanleg glæný útgáfa sem hægt er að spila eina og sér en einnig með eldri útgáfunni.“

Óli Gneisti segir spilið í stuttu máli snúast um að leikmenn spilsins taki að sér hlutverk virkra í athugasemdum en hann notar raunverulegar athugasemdir sem Íslendingar hafa sent frá sér á vefmiðlum. „Þetta verður að vera ekta og þessar setningar eru eitthvað sem ég gæti ekki samið sjálfur, því tek ég þær beint úr athugasemdum. Þannig fær raunveruleikagildið að fylgja með, en ég leiðrétti hvorki stafsetningu né hástafi enda mikilvægt að mínu mati að setningunum fylgi hversu heitt fólki er í hamsi.“

Spurður hvort vinsældir spilsins hafi komið á óvart segist Óli Gneisti hafa furðað sig í fyrstu á breiðum aðdáendahópi. „Spilið varð strax mjög vinsælt, en ekki bara hjá ungu fólki eins og ég gerði ráð fyrir í fyrstu, heldur líka hjá eldri kynslóðinni. Síðan þá hef ég gefið út tvö önnur spil, fyrst Látbragð og í fyrra var það Hver myndi? sem seldist næstum upp fyrir jól.“

En Óli Gneisti er ekki eingöngu í spilaútgáfu því síðastliðin tvö ár hefur hann haldið úti hlaðvarpinu Stories of Iceland. „Ég sagði upp dagvinnunni minni nú í vor og tók á leigu gamla fiskbúð í Arnarbakkanum í Breiðholti. Þar hef ég útbúið hljóðver og tek upp efnið, en stefnan er að gera þetta stærra svo fleiri aðilar geti komið inn.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 3 dögum

„Þegar þú ert með fleiri skópör en setningar veistu að þú ert með lítið hlutverk”

„Þegar þú ert með fleiri skópör en setningar veistu að þú ert með lítið hlutverk”
Fókus
Fyrir 3 dögum

Úrsúla varpar fram umdeildri skoðun: „Janúar er flottur“

Úrsúla varpar fram umdeildri skoðun: „Janúar er flottur“
Fókus
Fyrir 5 dögum

Margrét Gnarr opnar sig um fæðinguna – Féll í gólfið af sársauka: „Þetta var frekar dramatískt í lokin“

Margrét Gnarr opnar sig um fæðinguna – Féll í gólfið af sársauka: „Þetta var frekar dramatískt í lokin“
Fókus
Fyrir 5 dögum

Vikan á Instagram: „Til að forðast allan misskilning. Ég er ekki með syni Bjarna Ben á ferðalagi“

Vikan á Instagram: „Til að forðast allan misskilning. Ég er ekki með syni Bjarna Ben á ferðalagi“
Fókus
Fyrir 6 dögum

Spurning vikunnar: Hvað verður heitasta trendið á árinu?

Spurning vikunnar: Hvað verður heitasta trendið á árinu?
Fókus
Fyrir 6 dögum

Hallgrímur Ólafsson um Gullregn: „Við þekkjum öll þetta fólk“

Hallgrímur Ólafsson um Gullregn: „Við þekkjum öll þetta fólk“