Ferðabloggarinn Finnur Snær Oktosson heldur úti vinsælli YouTube-rás undir nafninu Finn Snow. Hann er með rúmlega 318 þúsund áskrifendur á miðlinum.
Finnur og kærastan hans, Sherlyn Doloriel, hafa verið á ferðlagi um Ísland í sumar. Hann hefur birt nokkur myndbönd á YouTube frá ferðalaginu, meðal annars um verðlag á Íslandi og frá stöðum þar sem atriði fyrir Game Of Thrones voru tekin upp.
Sjá einnig: Filippseyska kærastan hittir íslensku stórfjölskylduna – Hún bjóst ekki við þessu
Í nýjasta myndbandi sínu kemur Finnur kærustu sinni á óvart með heimsókn á íslenska reðasafnið.
Hún var heldur betur hissa þegar þau voru komin fyrir framan safnið og Finnur tjáði henni að þau ætluðu inn. Það er á mínútu 4:23 í myndbandinu hér að neðan.
Finnur og Sherlyn ganga um safnið og telur hann upp nokkrar skemmtilegar staðreyndir um safnið fyrir áhorfendur. Þú getur fylgst með ferðalögum þeirra á YouTube.