Ofurhjónin Ingileif Friðriksdóttir og María Rut Kristinsdóttir eignuðust dreng í gærnótt.
María Rut greinir frá þessu á Instagram og gaf DV góðfúslegt leyfi til að birta færsluna með lesendum. María Rut deilir yndislegu myndbandi af fæðingarsögu þeirra.
„Litla ljónið mætir í mannheima. Kl 02:42 í nótt breyttist lífið okkar til frambúðar þegar að litla ljónið okkar kom loksins í faðminn okkar. Hann er stálhraustur. 49 cm á lengd og 3226 grömm,“ skrifar María Rut.
„Ég verð að segja að ég hef aldrei á ævinni séð jafn mikla áræðni og vinnusemi og ég varð vitni að í nótt. Ingileif tæklaði þetta verkefni af fullum krafti, missti aldrei móðinn og var sannkölluð valkyrja. Konur maður – what a concept! Ég sit hérna á spítalanum og er bókstaflega að rifna úr stolti. Yfir eiginkonunni minni sem ég elska af öllu hjarta og yfir þessu litla lífi sem er bara rétt að kvikna. Hann er guðdómlegur. Lífið er sannarlega rétt að byrja. Við höfum verið galopnar með þetta ótrúlega ferli frá upphafi. Þannig að hérna er fæðingasagan okkar. Hún var dásamleg.“
Horfðu á myndbandið hér að neðan.
María Rut og Ingileif eru kunnugar flestum landsmönnum. Þær hafa báðar verið ötulir talsmenn fyrir baráttu hinsegin fólks hérlendis, verið áberandi í fjölmiðlum sem og samfélagsmiðlum í gegnum störf sín og aktívisma. Þær eiga fyrir einn son, Þorgeir, sem María átti úr fyrra sambandi.
Fókus óskar fjölskyldunni innilega til hamingju.
Þær voru í einlægu viðtali við DV í mars, sem þú getur lesið hér.