Sumarsólin hefur svo sannarlega leikið við landsmenn það sem af er sumri og eflaust fleiri hjörtu sem slá í takt núna en í skammdeginu. Enn er þó möguleiki til að láta sumarástina kvikna. DV kíkti á einhleypa og eftirsótta íslenska karlmenn fyrir stuttu og nú er röðin komin að konunum.
Áslaug Arna er ritari Sjálfstæðisflokksins og skelegg þingkona sem tekið er eftir. Hún veit nákvæmlega hvað hún vill og er einstaklega metnaðarfull í öllu sem hún gerir. Hún elskar bláan, humar og hvítvín og er einstaklega góður förunautur sem lætur ekkert stoppa sig.
Áhrifavaldurinn Sunneva Einars lifir lúxuslífi og leyfir fylgjendum sínum á samfélagsmiðlum að fylgjast grannt með því. Lífið með henni gæti verið algjört partí en tilvonandi vonbiðlar þyrftu líklegast að sætta sig við að deila sviðsljósinu með stjörnunni.
Það virðist vera fátt sem þessi fegurðardrottning, áhrifavaldur og athafnakona getur ekki gert – svo fjölhæf er hún. Manuela er með bein í nefinu, er kröfuhörð og sættir sig ekki við neitt múður. Alvöru kjarnakona hér á ferð.
María Sigrún, fréttakona á RÚV, skildi nýverið við Pétur Árna Jónsson, en þau gengu í það heilaga árið 2011 og eiga saman þrjú börn. María Sigrún er bráðgáfuð, skemmtileg og fyndin og því leikur einn að eyða með henni sumrinu – jafnvel ævinni.
Inga Lind og Árni Hauksson fluttu nýverið í sundur og því smá smuga á sumarást með sjónvarpskonunni og framleiðandanum Ingu Lind. Hún er fyndin með eindæmum og einstaklega góður sögumaður, sem er ekki leiðinlegt á löngum sumarkvöldum.
Það finnst varla hnyttnari kona en Berglind, en hún hefur gert gott mót í þættinum Vikan með Gísla Marteini á RÚV. Berglind er menntaður dansari og getur því bæði sagt gamansögur og tekið dansspor. Hin fullkomna kona?
Guðrún Sóley er mikið útivistarfrík, sjónvarpskona og listakokkur. Hún hefur því ansi margt til brunns að bera til að gera sumarlegt ástarsamband ríkt af list, menningu, mat og hreyfingu.
Frumkvöðlafræðingurinn Margrét Friðriksdóttir fer mikinn í samfélagsumræðu á netinu og er ekki allra. Hún berst fyrir því sem hún trúir á og stendur fast á sínu.
Sissa á að baki mjög farsælan feril sem ljósmyndari og skólastjóri Ljósmyndaskólans. Hún hefur marga fjöruna sopið og því uppfull af skemmtilegum sögum, svo ekki sé minnst á hve einstaklega næmt, listrænt auga hún hefur.
Dóra Júlía er einn vinsælasti plötusnúður landsins og ferðast vítt og breitt, bæði hér heima og erlendis, með DJ-græjurnar í farteskinu. Dóra Júlía kann að lifa lífinu, er traustur vinur þegar eitthvað bjátar á og einstaklega einbeitt, ung kona.
Förðunarmeistarinn knái hóf nýverið störf sem förðunarstjóri RÚV enda einstaklega fær í sínu fagi. Margrét er afar sjarmerandi kona með marga góða kosti og hefur komið víða við á löngum ferli.
Hagfræðingurinn, markaðsráðgjafinn og fyrirsætan Brynja Jónbjarnardóttir er algjört undrabarn. Nánast allt sem hún snertir verður að gulli. Það skal því engan undra að hún er gull af manni og lætur verkin tala.