Samfélagsmiðlastjarnan Bryndís Líf birtir afar ögrandi mynd á Instagram með undirliggjandi boðskap sem er afar mikilvægur.
„Ég er viss um að þið vilduð öll að ég væri með karlmanns geirvörtur núna,“ skrifar Bryndís við mynd af sér þar sem hún sést ber að ofan með hendur fyrir geirvörtunum.
Myndinni er líklegast ætlað að ýta við fólki, styðja #freethenipple hreyfinguna og mótmæla ritskoðun samfélagsmiðla þar sem myndir af kvenmannsbrjóstum og geirvörtum eru bannaðar en leikur einn fyrir karlmenn að birta myndir af sér berum að ofan – þar sem sést í geirvörtur.
Myndin hefur fengið hátt í fimmtán hundruð læk þegar að þetta er skrifað og fjölmargir sem setja tjákn fyrir eld við myndina. Ein af þeim sem skrifar athugasemd við myndina er leikkonan María Birta sem er hæstánægð með að Bryndís Líf leggi lóð á vogarskálarnar þegar kemur að baráttunni gegn ritskoðun á kvenmannslíkamanum á samfélagsmiðlum.
