Það er komið að öðrum deginum á Secret Solstice, hér eru atriðin sem þú verður að sjá.
https://www.instagram.com/p/BydyV9njmrT/
JóiP & Króli hafa skapað sér stóran sess í íslensku tónlistarsenunni, bæði meðal ungra sem aldna. Eftir að þeir gáfu út Gerviglingur árið 2017 hafa þeir spilað um allt land ásamt því að hafa oftar en einu sinni farið út fyrir landsteinana. Síðan þá hafa þeir gefið út tvær plötur, Afsakið Hlé og 22:40-08:16. Þær hafa báðar fengið mikið af hlustunum á Spotify ásamt því að vera í nánast stanslausri spilun á útvarpsstöðvum landsins.
Vinsæl lög: Í Átt Að Tunglinu og Þráhyggja
Klukkan: 16:40
Svið: Valhalla
https://www.instagram.com/p/BxktbekA-Mp/
Hatari kom mörgum á óvart þegar þeir tóku þátt í forkeppni Eurovision hér í landi. Það kom mörgum enn meira á óvart þegar þeir unnu forkeppnina. Þegar það fór hins vegar að styttast í Eurovision keppnina sjálfa, þá var fólk búið að taka Hatara í sátt og hvatti þá til dáða í lokakeppninni. Þrátt fyrir að hafa ekki unnið keppnina þá stóðu þeir sig vel og það verður án efa gaman að sjá þá í dag.
Vinsæl lög: Hatrið mun sigra og Spillingardans
Klukkan: 18:20
Svið: Valhalla
Hér er um að ræða einskonar stofnendur hip-hopsins, þar sem lagið Rapper’s Delight er með fyrstu hip-hop lögum sem voru gefin út. Lagið fagnar 40 ára afmæli í ár en The Sugarhill Gang eru enn bara hressir. Hér koma þeir fram ásamt Grandmaster Melle Mel og Scorpio en þeir eiga mörg vinsæl lög með hópnum Grandmaster Flash & The Furious Five.
https://www.instagram.com/p/ByyLXMLHrGu/
Vinsæl lög: Rapper’s Delight og The Message
Klukkan: 19:20
Svið: Valhalla
https://www.instagram.com/p/Bysf6BxBtW9/
Þetta er í annað skipti sem Foreign Beggars spila á Secret Solstice þar sem þeir spiluðu einnig á hátíðinni árið 2017. Foreign Beggars gáfu út sína fyrstu plötu árið 2003 en síðan þá hafa þeir gefið út 9 aðrar plötur. 2 2 Karma er nýjasta platan þeirra en hún kom út árið 2018.
Vinsæl lög: Still Getting It og Contact
Klukkan: 20:40
Svið: Valhalla
https://www.instagram.com/p/Byq1UBcFpKI/
Árið 2009 ómaði Black Eyed Peas nánast alls staðar. Lögin af plötunni THE E.N.D. (THE ENERGY NEVER DIES) voru í spilun bæði í útvarpinu og á skemmtistöðum. Black Eyed Peas er líklegast það atriði sem flestir þekkja á Solstice en til gamans má geta að í hverjum mánuði hlusta um 13 milljón manns á Black Eyed Peas á Spotify
Vinsæl lög: I Gotta Felling og Where Is The Love
Klukkan: 22:15
Svið: Valhalla