Plötusnúðurinn Dóra Júlía opnaði sig upp á gátt í sögu sinni á Instagram í gær, en tilefnið var viðtal sem Dóra tók fyrir stuttu við Kristínu Huldu, formann geðfræðslufélagsins Hugrúnar.
„Hún er ótrúlega klár og skemmtileg og við áttum mjög gott spjall, meðal annars um kvíða, sérstaklega hjá ungu fólki, þegar kemur að samfélagsmiðlum og enn merkilegra þegar kemur að merkjavörum,“ segir Dóra. Henni finnst gaman að búa sér til persónu á samfélagsmiðlum, en plötusnúðurinn knái er með rúmlega átta þúsund fylgjendur á Instagram.
„Ég er mikil Instagram-pía og er mjög hrifin af samfélagmiðlum og hef gaman að því að geta skapað mitt og ákveðið hvað ég presenta til þeirra sem fylgjast með. Leyft fólki að fylgjast með daglegu lífi,“ segir Dóra og heldur áfram með mikilvæg skilaboð.
„En það er krúsjal fyrir alla að átta sig á því að allir sem þú fylgist með á samfélagsmiðlum velja það sem þeir sýna þér og þeir búa til það sem þeim hentar. Það er frelsið sem er mjög kærkomið því það er mjög gaman að geta ráðið því hvað þú gefur út og hvernig fólk upplifir þig. En það er samt mikilvægt að vera gagnrýninn og mig langar að koma þessu til skila til allra sem eru að fylgjast með mér, sérstaklega yngri stelpna, eins og ég var, sem eiga mjög auðvelt með að verða fyrir áhrifum og sækja innblástur í aðrar stelpur á Instagram, að það lifir enginn fullkomnu lífi og það er svo margt að hjá hverjum og einum sem fólk kærir sig ekki um að deila með öllum.“
Þá opnar Dóra sig um fortíð sína í sögunni, en hún er einn eftirsóttasti plötusnúður landsins í dag.
„Auðvitað er ótrúlega gaman að vera „living it up“, svo geggjað með Gucci töskuna mína að lifa lífinu og það gengur ógeðslega vel en það er bara ein hlið af ofboðslega mörgum, því lífið er svo ofboðslega fjölbreytt og allskonar, upp og niður og hér og þar. Ég keypti fyrstu Prada töskuna mína fyrir einu og hálfu ári þegar ég var bókuð til London að spila. Mjög gott gigg sem ég fékk mjög vel borgað fyrir. Þá var ég 25 ára, skiljiði. Ég er ótrúlega heppin. Ég er ung og hef fengið réttu tækifærin á réttum tíma. Ég er mjög þakklát fyrir það og ég legg mjög hart að mér,“ segir hún og heldur áfram.
„En fyrir fjórum árum þá var ég bara í háskóla og vissi ekkert hvað ég ætlaði að gera við lífið og átti engan pening. Ég var á svo ólíkum stað fyrir nokkrum árum. Það er svo mikilvægt að virða ferlið og flæðið og þann stað sem maður er á hverju sini. Það sem mér finnst krúsjall er að maður þarf að læra að meta hvar maður er hverju sinni. Þess vegna finnst mér mikilvægt að finna gleði í litlu hlutunum. Ekki vera að setja of mikla pressu á sig að maður þurfi að vera svona, svona, svona og gera hitt og þetta því þá allt í einu verði lífið gott. Ég átta mig á því núna.“
Dóra segir að fylgjendahópur hennar á Instagram hafi stækkað ört síðustu misseri og hún átti sig á því núna að það fylgi því ákveðin ábyrgð, þó hún vilji ekkert sérstaklega vera uppalandi eða fyrirmynd.
„Ef þú ert áhrifavaldur þá ertu að hafa áhrif. Það er undir okkur komið að virða það,“ segir Dóra og lýkur spjallinu á heilráði.
„Heilráð er að vera gagnrýninn og átta sig á því að maður fyrst og fremst ber ábyrgð á sér sjálfum. Maður á aldrei að vilja lifa einhverju öðru lífi því þetta er okkar líf og við verðum að gera það besta úr því.“
View this post on Instagram
JEI! Fyrstu 10 km ársins, easy breezy ?♀️?? Pow wow wow. @vithit.island #samstarf